Passievol en uitverkoop
Philip de Jager
Wanneer ons passievol oor iets is sal ons daaraan uitverkoop wees. Bedoelende dat ons nie verskonings sal soek om nie ons onverdeelde aandag aan die saak te gee nie. Ons het ook nie iemand nodig om ons aan ons verantwoordelikhede te herinner nie. Ons word deur die saak self gemotiveer. Daarom is hierdie passievolle toewyding meer as net ‘n vurige begeerte, dit is ‘n innerlike dryf.
Om passievol oor iets te wees en daaraan uitverkoop te wees is meer as om net ‘n belangstelling in ‘n saak te hê. Wanneer ons passievol en uitverkoop is aan die saak wil ons in dit belê met die beste van onsself, ons tyd en watter hulpbronne ons ook al tot ons beskikking het.
Vriende, ons is die Here so onverdeelde toewyding verskuldig, om ongeag waarmee ons besig is altyddeur aan Hom eer te bring (I Kor. 10:31). Tereg het iemand eenmaal opgemerk: “As ons daarvan beskuldig sou word dat ons die Here dien, sal daar genoeg bewyse gevind kan word om ons skuldig te bevind?” Genadiglik, wanneer ons soms met hierdie passievolle toewyding sukkel is Hy nogtans barmhartig teenoor ons.
Lees
Mark. 12:30
Vorige oordenkings
Diep en stiller
Philip de JagerWanneer jy na die water luister soos dit oor klippe in die rivier kibbel, is dit dikwels lawaaierig waar die water nie diep is nie. Waar die water dieper is, is dit dikwels stiller. Met hierdie beeld in gedagte, wil ek skryf oor dieper en stiller. In...
Diep en vergenoegdheid
Philip de JagerIn DV 2026 soek ek nie na groter dinge nie. Ook nie na meer van dit of meer dat nie. Ek wil ook nie so besig wees om vir myself naam te maak - dat Jesus sou voel Hy is die gelukkig toeskouer by een of ander 'n celebrity show ... en hopelik kan Hy 'n...
Jy leef my raak
Philip de JagerDaar is mense wat 'n groot indruk op ons lewe maak. Mense wat ons raak leef. Hul doen dit deur hulle mooi gesindheid teenoor ons, hulle hulpvaardigheid en hulle fyn ingesteldheid teenoor ons. Daardie mense wat soms so uit die blote vir jou 'n...